“Serendipia” é o novo espectáculo do ilusionista Martín Varela. No seu novo show, o mozo mago fai unha viaxe ao pasado do ilusionismo empregando a súa propia experiencia no mundo da maxia. Coas sorpresas e comicidade co público de sempre, inclúense, neste show o mago rende unha homenaxe a dous grandes mestres da maxia que marcaron o seu camiño: o estadounidense John Calvert e os galegos Lorc & Julit.

Como pode un neno converterse en mago? Esa é a pregunta que Martín tratará de responder subido ao escenario. Nesta ocasión aborda a súa historia persoal: os seus comezos, o seu proceso de estudo, as súas primeiras actuacións… Maxia, sorrisos e emoción mestúranse no teatro con “Serendipia”.